សេចក្ដីជូនដំណឹងស្តីពី ការផ្តល់សេវាជិះរថយន្តក្រុងដោយឥតគិតថ្លៃ ជូនកម្មករ-កម្មការិនី រយៈពេល២ឆ្នាំ និងការកែសម្រួលខ្សែរត់ថ្មី
នៅថ្ងៃទី២០ ខែសីហា ឆ្នាំ២០១៧ រដ្ឋបាលរាជធានីភ្នំពេញ បានចេញសេចក្ដីជូនដំណឹងជាផ្លូវការ ពីការអនុញ្ញាតឲ្យកម្មករ-កម្មការិនីទាំងអស់គ្នា ជិះរថយន្តក្រុងគ្រប់ខ្សែដោយឥតគិតថ្លៃ របស់រដ្ឋាករស្វយ័តដឹកជញ្ជូនសាធារណៈ ក្នុងភូមិសាស្ត្ររាជធានីភ្នំពេញ រយៈពេល២ឆ្នាំ គិតចាប់ពីថ្ងៃទី២០ ខែសីហានេះ ដល់ថ្ងៃទី២០ ខែសីហា ឆ្នាំ២០១៩ ដោយគ្រាន់តែបង្ហាញកាតធ្វើការងារ នឹងទទួលបានសេវានេះភ្លាមៗ។
ទន្ទឹមនឹងនេះ រដ្ឋាករស្វយ័តដឹកជញ្ជូនសាធារណៈរថយន្តក្រុង ក៏បានកែសម្រួល និងបន្ថែមខ្សែរត់ ដើម្បីផ្តល់សេវាកាន់តែច្រើនគោលដៅជូនបងប្អូនប្រជាពលរដ្ឋក្នុងរាជធានីភ្នំពេញផងដែរ។
រដ្ឋបាលរាជធានីភ្នំពេញ
